WZC TAVRF INTERNATIONAL PAN TANGKONA

TEDIM TUAHSIATE HUHNA (TAVRF) SUM SAZIAN TANGKONA

Zomi khempeuh in i theihsa ciat om mah bangin abeisa Cope Centennial Jubilee(CCJ) pawipi sung November 26,2010 ni a Tedim leh Tonzang kikal ah Bus tuahsiatna hangin hong nusia i sanggam mi 17 leh aliam abai mi 44 te liamna le baina nasiatak tuak uh hi. Tua thu pen leitungbup Zomi/ Chin/ Kawlmite' sung bek tham loin, leitung thukizakna BBC,VOA,DVB akipan namdang tuamtuam in hong theihpih uh hi. Tua zahkhop mahin minam dangte nangawn in hong lainatpih ciat uh ahih manin, siatvehna leh huhna piakkhiat dingin hong kipankhia ziahziah uh hi.

Hih bang tuahsiatna lianpi hong pian ciangin gam sung gam pua a om Zomibup kilinglawng in cihna ding akitheihloh laitak World Zomi Congress (WZC) in Dahpihna leh Khasiatna laipi khat hong khahkhia uh hi. Tua bek tham loin, asi aliamte panpihna dingin Tedim Tuahsiate panpihna Sum bulzong Pawl ( Tedim Accident Victims Relief Fund -TAVRF International Committee) cih min vawhin December 1,2010 ni-in leitungbup Zomite sungah tangko khia in huhna kizonsak hi.

TAVRF min tawh tangkona leh nasepna- ah tangzaaitak septheihna dingin a gamgam ah kizoppih ding Palai (Agent) kikoih kawikawi in, tuate tawh thukiza in na kisem khawm thei ahih manin, a gamgam ah TAVRF Palai hong seppih khempeuh tungah WZC-TAVRF International Committee pan lungdamna kinei hi. Tua bang mahin Tedim khuapi pan naseppih dingin muanna lianpi mah tawh Tedim-TAVRF Committee (Branch) kiphuan khia-in, Tedim TAVRF Committee tawh na kisem khawm thei hi. Tua banah sumbul zonna a tangzai zawkna ding leh Zomi bup muhtheih ding ngimna tawh TAVRF website: tavrfund.blogspot.com kician khat manlangtak kibawlkhia hi.

Hih TAVRF nasepna pen Pasian in hong thukimpih in, minam itna tawh a munmun pan huhna kingah masasa Tedim-TVRF Committee phualpi-Tedim ah kipuak ziahziah in, Tedim-TAVRF Committee in i muanna om bangin kiciantak hong hawmkhiatsak ziahziah uh ahih manin, WZC-TAVRF International Committee min tawh lungdamna lianpi i pulak hi.

Tua banah TAVRF tawh kisai Thukin (Emergency) ahihna tawh kizui-in, sum kaihkhopna zong hun ciangtan (Limit) kinei a, December 25,2010 ni-in TAVRF mahialna thu Zolai leh Mikang (English) tawh kitangko khia khin hi. Tua ni akipan TAVRF sumdonna tawh kisai WZC-TAVRF International Committee min tawh kidong nawn loin mahialna kinei ahi hi. A hi zongin mun pawlkhat pan a kidong/ kaikhawmsa pawlkhatte Tedim-TAVRF Committee kiang atun dong kingak/ kitheihpih lai bek ahi hi.

Tua hi a, TAVRF sumbulzonna khanih dektak sungah lainatna tawh i piakkhiat sumte Tedim-TAVRF Committee leh WZC-TAVRF International Committee thukizaktuahna tungtawn in sumngahna sazian a nuai abangin kong tangko khia thei ta uh hi. Sum hawmna/ zeekna tawh kisai Tedim- TAVRF Committee pan asawt loin hong tangko khia kik ding uh hi. WZC- TAVRF tungtawn a kipia/ kikhakte bek hong kitangko khia ahih manin, sazian kipelhna om khak leh suakta takin nong zaksak kikpah dingun kong thum khol uh hi.

I SANGGAMTE LAINATNA TAWH (TAVRF) TUNGTAWN A I PIAKKHIAT SUMTE.

1.  Cope Centennial Jubilee Committee of Malaysia, ..............................     - Ks. 680,000/-                          
2.  Alliance Chin Refugees (ACR), Malaysia -(By. Siama Dorcas Liansen) - Ks. 500,000/-
3.  Zomi Christian Fellowship, Malaysia, ....................................................    - Ks. 150,000/-
4.  Japan Zomi Kipawlna , (TAVRF mualsuang ), .......................................   - Ks. 150,000/-
5.  Singapore Zomi/ Chin Community,(By- Pa Pau Khan Thawn) ............  - Ks. 850,000/-
6.  Calgary & Alberta of Canada Zomi/Chin( By- Tg. Thang Suan Mang ) - Ks. 613,200/-
7.  Winnipeg,MB. of  Canada Zomi/Chin( Pa Pau Go Mang ) ...................  - Ks. 485,350/-
8.   Zomi Innkuan Norway (ZIN), ..................................................................   - Ks. 991,560/-
9.   Svolvær Chin Christian Fellowship, ( By. Thangta),...............................   - Ks. 237,000/-
10. Sweden Chin Community,   .......................................................................   - Ks. 837,500/-
11. Perth Siyin Baptist Church of Australia,(By. Kam Za Pau) .................    - Ks. 516,000/-
12. Australia Zomi/ Chin Communities,( By- Rev. Paul Khaipu), .............   - Ks. 4,347,450/-
13. Washington DC-EBC, USA ( By- Pa Daltawng), ...................................   - Ks. 703,480/-
14. ZAUS & CBCF, Portland,USA ( By- Rev. Zam King Mang)................   - Ks. 578,780/-
15. Zomi Communities of Chicago, USA ( By- Tg. Pilmung) .....................   - Ks. 856,350/-
16. Laizom Zomi Christian Fellowship, Atlanta-USA, .................................  - US$ 383
17. Florida Zomis USA, ....................................................................................    - Ks. 300,000/-
18. Guymon Zomi, OK-USA , .........................................................................    - Ks. 201,300/-
19. Indiannapolis Zomite ( By- Tg. Zo Suan Mung), ....................................    - US$ 525
20. ZBC Mizoram, ( By-Rev. Suan Khan Thang-Champhai), .......................    - Ks.   21,200/-
21. Charlot Zomite, USA, (By- Pa Thanglian) ................................................     -Ks. 458,000/-
22. Melbourn Zomite, Australia, (By- Pa Nang Lam Cin ) , .........................     -Ks. 213,000/-
23. San Antonio Zomite, Taxas-USA , ( A khak laitak uh ?) ..........................    -Ks.(            )?


Note:  Sum Sazian tawh kisai mimal min tawh hong kisuaksak kha loin, kipawlna min/sumdong makaite/ sum khak sawnte' etc.. min tawh hong kisuaksak bek hi. Kipawlna minte pen hong kipiakna zui-in hong kisuaksak kik ahih manin adiklo om khak leh hehpihna tawh nong zaksak kikna dingun i kithum hi. Tua banah TAVRF tungtawn akikhak gige sazian mangngilh om khak leh ahun zui-in, kong tangkokhia thei ding uh hi. TAVRF sazian a kitangko ni akipan TAVRF International Committee min tawh panlakna leh mawhpuakna kinei nawn lo ding hi cih thu kong pulakkhia uh hi. Tua mah bangin TAVRF website blog zong a sawt lo mahin, kiphelkhia ta ding hi.

Zomite' tangthu sungah CCJ tangthu akigensim in i sanggamte' tuahsiatna thu zong akihelkha den ding i lamen hi. Tua ahih manin lainatna leh (Tawmngaihna) lianpi tawh i mapankhopna in a mangngei lo ding minam itna mualsuang hi tawntung ding hi. Minam leh Pasian ading NA HOIH SEP cimtak loin, mapangkhawm zo den dingin World Zomi Congress pan kong zawn phapha uh hi. Na piakkhiatnate hangin Zomite' Pasian in nopna, daihna leh gualzawhna thupha namkim hong pia ciat hen!

WZC-TAVRF International Committee tangin,

Sia Khampeek
International Co-ordinator of TAVRF
                 &
Information Minister of WZC
Norway